२० असार, दमक । झापाको शिवसताक्षी ८ का शारिरीक अपाङ्गता भएका एक बालकलाई लायन्स क्लब अफ इटहरी स्मार्ट सिटीले एक थान ह्वीलचेयर र खाद्यन्न वितरण गरेको छ ।
क्लबले बिहिबार शिवसताक्षी ८ निबासी १२ बर्षिया रुद्र राउत लाई ६० हजार मूल्य पर्ने ह्वीलचेयर र आमा रञ्जीता गिरी राउतलाई चामल, नुन, तेल लगायतका खाद्य सामग्री हस्तान्तरण गरेको हो ।
शिवसताक्षी ८ का वडाध्यक्ष केहरसिंह बस्नेतको प्रमुख आतिथ्य र लायन्स क्लब इटहरी स्मार्ट सिटीका अध्यक्ष नेल्सन थानेश्वर ढकालको अध्यक्षतामा भएको हस्तान्तरण कार्यक्रममा लायन्सका क्लब इन्टरनेशनल डिस्ट्रीक ए वान ३२५ का चिफ एरिया को अर्डिनेटर बबरजंग थापा ( किरण) को विशेष उपस्थिती रहेको थियो ।
सो अवसरमा क्लबका चार्टर प्रेसिडेन्ट राजेन्द्रकेशरी घिमिरेले मन्तव्य राखेका थिए भने क्लबका प्रथम उपाध्यक्ष लक्ष्मी बरालले कार्यक्रमका बारेमा प्रष्ट पारेकी थिइन । कार्यक्रमको सञ्चालन क्लबका सेक्रेटरी गणेश ओलीले गरेका थिए ।कार्यक्रममा लायन्स क्लबअफ युनाईटेडका अध्यक्ष संदिप बस्नेत द्वितिय उपाध्यक्ष साजन श्रेष्ठ लगायत को उपस्थिती रहेको थियो ।
प्रतिक्रिया लेख्नुहोस्:-