२१ असार, दमक । दमक ओपन फिडे रेपिड रेटिङ बुद्वीचाल प्रतियोगिता २०१९ को उपाधि दमकका प्रकाश नेपालले जितेका छन् ।
असार २० गते देखी दमकको कात्यायानी इनको सभा हलमा संचालन भएको नौ चरण को खेलमा ८ अंक प्राप्त गरेर नेपाल बिजेता भएका हुन् । बिजेताले नगद रु १५००० सहित ट्रफी र मेडल प्राप्त गरे । दोश्रो भारतका चैतन्य अवध भए भने तेश्रो स्थान काठमाडौंका सुमित पन्तले कब्जा गरे, उनिहरुले क्रमश रु १०,००० र ६,००० नगद सहित ट्रफी र मेडल प्राप्त गरे । बिजेतालाई प्रमुख अतिथि दमक नगरपालिकाकी उप प्रमुख गिता अधिकारीले पुरस्कार बितरण गर्नु भएको थियो ।
प्रतियोगिता मा उत्कृष्ट १० सहित विभिन्न बिधाका उत्कृष्ट ८ खेलाडी लाई पुरस्कृत गरिएको थियो । प्रतियोगितामा नेपाल र भारतका गरि ४६ खेलाडी सहभागी रहेको आयोजक दमक नगर बुद्धिचाल समिती का अध्यक्ष भुपेन्द्र निरौलाले जानकारी दिनुभयो ।
कार्यक्रममा झापा जिल्ला चेस संघ, डायनामिक चेस एकेडेमी, दमक नगर खेलकुद बिकास समिती लगायत बिभिन्न संघ सस्था का पधादीकारीको उपस्थिती रहेको थियो ।
प्रतिक्रिया लेख्नुहोस्:-