काठमाडौं असार २२
नेपाली कांग्रेसको भातृसंगठन नेपाल विद्यार्थी संघले पर्यटन बर्ष २०२० लाई सफल बनाउन बिदेश स्थित जनसम्पर्क समितिलाई चलायमान बनाउनु पर्ने भन्दै आज पार्टीको केन्द्रिय कार्यलय सानेपामा पार्टीको ध्यानाकर्षण गराएको छ। सरकारले पर्यटन बर्षलाई असफल बनाउन लागेको भन्दै नेपाली कांग्रेसले त्यतातिर ध्यान दिएर सरकार भन्दा एक कदम अगाडि बढेर पर्यटन बर्ष सफल बनाउन आफ्ना जनसम्पर्क समितिहरुलाई सकृय बनाउनु पर्ने नेपाल विद्यार्थी संघका पुर्व उपाध्यक्ष ऋषिकेश जंग शाहले बताए। समृद्धिका लागि राजनीति, पर्यटन एक प्रमुख संभावना लेखिएको व्यानर बोकेर ध्यानाकर्षण पत्र बुझाउन नेपाल विद्यार्थी संघका पुर्व उपाध्यक्ष ऋषिकेश जंग शाहको नेतृत्वमा नेपाल विद्यार्थी संघका निबर्तमान महामन्त्री आनन्दराज त्रिपाठि , निवर्तमान उपाध्यक्ष कृष्णकुमारी बस्नेत ,निवर्तमान सहमहामन्त्री प्रेमराज जोशी , निवर्तमान सहमहामन्त्री महेश्वरी कुँवर , निवर्तमान केन्द्रीय सदस्य तारक केसी , दलित संघका सचिब दीपक सोनी , ने बि संघका नेताहरू शंकर पौडेल , दुजांग शेर्पा लगाएत सयौं नेता कार्यकर्ताहरु नेपाली कांग्रेसको पार्टी कार्यलय सानेपा पुगेका थिए। नेपाल विद्यार्थी संघले बुझाएको ध्यानाकर्षण पत्रमा मौलिक सांस्कृतिक पक्ष, जात्रा मेलापात , धार्मिक स्थल लगाएतलाई योजनाबद्ध तरीकाले पर्यटन क्षेत्रको रूपमा बिकाश गरिनु पर्ने उल्लेख गरीएको छ।
प्रतिक्रिया लेख्नुहोस्:-