१५ सउन, चितवन । प्राज्ञिक विद्यार्थी परिषद नेपालले एक दिने ‘राष्ट्र निर्माणमा युवाको भुमिका’ विषयक कार्यक्रम सम्पन्न गरेको थियो । कार्यक्रममा राष्ट्र निर्माणमा मेडिकल पढ्न विद्यार्थीहरुको महत्व दर्शाइएको थियो ।
सो कार्यक्रममा विद्यार्थी परिषदका राष्ट्रिय संगठन सचिव नारायण प्रसाद ढकाल, चितवन मेडिकल कलेजका सह प्राध्यापक , ममता न्यौपाने , प्रा डा.ममता तिवारी ,वरिष्ठ चिकित्सक कालू शर्मा ,राष्ट्रिय सचिव एव प्रदेश संगठन सचिव छितराज न्यौपाने , कलेजका प्रशासकीय व्यवस्थापक अरुण कोइराला लगायतका व्यक्तिहरुको उपस्थिति रहेको थियो ।
चितवन मेडिकल कलेजमा अध्ययनरत निकट भविष्यका २५० भन्दा बढी डाक्टर एव नर्सहरुको सहभागीता रहेको सो कार्यक्रममा परिषदका राष्ट्रिय संगठन सचिव नारायण प्रसाद ढकालले मेडिकल पढ्ने विद्यार्थीहरुले समाज र राष्ट्रका लागि कसरी काम गर्ने, सामाजिक गतिविधिमा कसरी सहभागी हुने र विद्यार्थी परिषदको राष्ट्र व्यापी कार्य एवं स्थापनाको उदेश्य लगायतका विषयमा जानकारी दिनुभएको थियो ।
डा.कालू शर्माले मेडिकल अध्यन गर्ने विद्यार्थीहरुले नेतृत्व विकासका बारेमा विषय राख्नु भएको थियोे । सह प्राध्यापक ममता न्यौपानेले विद्यार्थी परिषदको यो मानवलाई माधव बनाउने कार्यका लागि शुभकामना प्रदान गर्नुभएको थियो ।
राष्ट्रिय सचिव छितराज न्यौपानेले विभिन्न विधामा अध्ययन गर्ने विद्यार्थीहरुको परिषद्को चितवन मेडिकल कलेज इकाई समिति जसमा एम.वि.वि.एस अन्तिम वर्ष अध्ययनरत छात्र प्रदिश पौडेल र वि. डि.एस अध्ययनरत छात्रा प्रज्ञा गुरागाइको संयोजकत्वमा २१ सदस्यीय गठन गर्नुभएको थियो ।
कार्यक्रम रिदिका रिजालको स्वागत मन्तव्य र एम.वि.वि.एस अध्ययनरत विद्यार्थी जाविर अहमदको संचालनमा सम्पन्न भएको थियो ।
प्रतिक्रिया लेख्नुहोस्:-