मकवानपुर हेटौंड
हेटौंडा उपमहानगर पालिका वडा नम्बर १५ स्थीत चुरियामाइ स्वास्थ्य चौकी लाई स्वास्थ्य मन्त्रालयबाट प्रदान गरिएको ल्याब संचालनको लागि सामग्रीहरु हस्तान्तरण गरिएको छ । बिहिवार एक कार्यक्रमको बिच स्वास्थ्य चौकी लाई ल्याब संचालनको लागि आवश्यक सामाग्रीहरु माइक्रोस्कोप १ थान , रेफ्रीजेरेटर १ थान, अटोक्लेप १ थान , वाटरबाथ १ थान, सेन्टिचुयुट १ थान , माइकोपिडेट २ थान,लगाएतको सामग्रीहरु हस्तान्तरण गरिएको चुरियामाइ स्वास्थ्य चौकी संयोजक लक्ष्यमण दाहालले बताउनु भयो । उक्त सामग्री तत्कालीन सङ्घीय समाजवादी फोरम हे.उ.न.पा वडा नम्बर १५ को अध्यक्ष हरि बहादुर रुम्बाले स्वास्थ्य चौकी लाई हस्तान्तरण गरेका हुन् । सामग्री हस्तान्तरण कार्यक्रममा तत्कालीन सङ्घीय समाजवादी फोरमको जिल्ला अध्यक्ष शुभरत्न गोले , सचीव सुबोध घलान तत्कालीन नयाँ शक्ति पार्टीको संयोजक जिवनमान मोक्तान , नेकपाको स्थानीय नेता दिपेश थिङ , नेपाली काङ्ग्रेसको नेता बम बहादुर थिङ , स्थानीय टोल विकास सस्था तथा सहकारी सस्थाको प्रतिनिधिहरु निर्वाचित वडा सदस्यज्युहरु स्वास्थ्य चौकिका कर्मचारीहरु लगाएत स्थानीय जनताको बाक्लो उपस्थिति रहेको थियो भने हेटौंडा उपमहानगर पालिका वडा नम्बर १५ का वडा अध्यक्ष महारत्न लामाको सभा अध्यक्षमा कार्यक्रम सुचारु भएको कार्यक्रम संचालन स्वास्थ्य चौकी संयोजक लक्ष्ाण दाहालले गर्नुभएको थियो ।
प्रतिक्रिया लेख्नुहोस्:-