कन्स्टिलेसन बचत तथा ऋण सहकारी संस्थाको साधारण सभा सम्पन्न ।

काठमाडौं २९ भाद्र २०७६ । कन्स्टिलेसन बचत तथा ऋण सहकारी संस्थाको दशौं वार्षिक साधारण सभा काठमाडौंको धुम्बाराही चोकस्थित स्मार्ट क्याफेमा सम्पन्न भएको छ । यस सहकारी संस्थाको कार्यालय सुन्धारास्थित सीटीसी मलमा रहेको छ र स्मार्ट क्याफे धुम्बारही शेयर सदस्य भएकोले धुम्बारहीमा वार्षिक साधारण सभाको आयोजना गरिएको पनि आयोजकले बताएका छन ।
एक व्यवसायी र एक क्षेत्रको अवधारणामा शेयर सदस्यहरुको तर्जुमा गरिएको यस कन्स्टिलेसन बचत तथा ऋण सहकारी संस्थाको साधारण सभामा शेयर सदस्यहरु, संस्थापक, पूर्व पदाधिकारी तथा सल्लाहकारहरु, समाजसेवी, सहकारीसंग सम्बन्धित व्यक्तित्व तथा विज्ञहरु, बिभिन्न क्षेत्रमा व्यवसाय सञ्चालन गरिरहेका व्यवसायीहरु सहित कार्यालयका कर्मचारीहरुको उपस्थिति थियो ।
कन्स्टिलेसन बचत तथा ऋण सहकारी संस्थाका अध्यक्ष गोविन्द श्रेष्ठको सभापतित्व सम्पन्न कार्यक्रममा उपाध्यक्ष टेकबहादुर, सल्लाहकार इन्द्रलाल, सल्लाहकार उद्धव खडग, कोषाध्यक्ष सरु विष्ठ, सदस्यहरु ज्ञानु लामिछाने, माया केसी, विजय रानाभाट, लेखा संयोजक अशोक नेपाल, लेखा समिति सदस्य तेम्पा शेर्पा, गौरव अधिकारी, कर्जा असुली संयोजक चन्द्रकला राई, समाजसेवी ज्ञान बहादुर कार्की, युवा व्यवसायी सुरेन्द्रराज थापा आदिले कार्यक्रममा शुभकामना मन्तब्य व्यक्त गरेका थिए । सचिव प्रकाश श्रेष्ठले सञ्चालन गरेको सो कार्यक्रममा संस्थाका उपाध्यक्ष टेकबहादुर तामाङले स्वागत मन्तब्य दिएको थियो । कार्यक्रममा कन्स्टिलेसन बचत तथा ऋण सहकारी संस्थाको साधारण सभामा उपस्थित सबै सहभागीहरुले आ–आफ्नो छोटो परिचय तथा मन्तव्य दिने अवसर प्रदान गरेका थिए ।
बिहान ८ बजे चियापानबाट शुरुभएको साधारण सभामा कन्स्टिलेसन बचत तथा ऋण सहकारी संस्थाको सञ्चालक समितिको तर्फबाट अध्यक्षज्यूको प्रतिवेदन, सञ्चालक समितिको तर्फबाट कोषाध्यक्षज्यूको प्रतिवेदन, संयोजक अशोक नेउपाने तथा सदस्यहरु तेम्पा शेर्पा र कौरव अधिकारी रहेको लेखा समितिको प्रतिवेदन २०७६को प्रस्तुति पछि दिवा भोज सहित कार्यक्रमको समापन गरिएको थियो ।
वैचारिक रुपमा सक्षम, आर्थिक रुपमा समृद्धि र व्यक्तिगत रुपमा सम्मानित गर्ने सहकारीको तीन लक्ष्यलाई मनन गर्दै समाजमा छरिएर रहेको पूँजीलाई संकलन गरी उद्यमशील कार्यमा लगाउने नीति अवलम्बन गरी एक स्थान एक योजना अन्तर्गत शेयरधानीहरुको चयन गरिएको यस सहकारीले शिक्षा, यातायात, व्यापार लगायत बिभिन्न क्षेत्रमा कार्यक्रम तय गरी तत्सम्बन्धी सदस्यहरुलाई व्यक्तिगत वा सामूहिक रुपमा ऋण प्रवाह गर्ने कुरा अध्यक्षको प्रतिवेदनमा उल्लेख गरिएको छ ।