बुधबार, झापाको दमकस्थित पत्रकार मञ्चको कार्यालयमा पत्रकार भेटघाट गरेर आफ्ना छोरा प्रनिसको उपचारमा सहयोग जुटाइदिन बुबा डम्बरले आग्रह गरेका छन् ।
इलाम माङ्सेबुङ गाउँपालिका वडा नं ३ घर भएर हाल, झापाको दमक–९ मा बसोबास गर्ने डम्बर बहादुर विश्वकर्मका ७ बर्षिय छोरा प्रनिसलाई मुटु रोग सम्बन्धी समस्या छ । ७ वर्षअघि, प्रनिस धरानस्थित विपी कोइराला स्वास्थ्य बिज्ञान प्रतिष्ठानमा जन्मेका हुन । जन्मदैं आमा र शिसुको अवस्था कमजोर भएको भन्दै प्रतिष्ठानका चिकित्सकहरुले दुबै जनालाई बचाउन कठिनाई भएको बताउने गरेको बुबा डम्बर बहादुरले पत्रकारहरुसँग भने ।
त्यस समयमा आफुसँग भएको केही रुपैया र आफन्ज तथा इष्टमित्रहरुको सहयोगले धरानस्थित विपी कोइराला स्वास्थ्य बिज्ञान प्रतिष्ठान, बिराटनगर र सिलगुढीका निजी अस्पतालमा छोराको उपचार गरिएको बुबा डम्बर बहादुरले भने । डम्बर बहादुरका अनुसार इलाम माङ्सेवुङमा आफ्नो जायजेथा वा सम्पतीको नाममा एक चप्परी जमिन पनि नभएको र अहिलेसम्म केही साथिहरु र आफन्तहरुबाट प्राप्त ऋण सहयोगले छोरा प्रनिसको उपचार गराइरहेका छौं ।
हाल, काठमाण्डौंस्थित गंगालाल हद्धयरोग केन्द्र अस्पतालमा उपचार प्रनिसलाई झापा दमकबाट काठमाण्डौसम्म आवत जावत गर्नसमेत कठिनाई भइरहेको बुबा डम्बर बहादुरले भने । आ–आफन्त र केही मनकारी मानुभावहरुबाट सहयोग पाइरहेको छु, डम्बरले भने–केहीबाट लिएको ऋण समेत छ । लगातार ५–६ वर्षदेखी उपचारको क्रममा लागेका खर्चहरु सरसापट र ऋणहरु क्रमश दिनानुदिन बढ्दै गइरहेको छ । सो पैशा फिर्ता गर्न आफन्तहरुबाट चौतर्फी दबाबसमेत आइरहेको डम्बर बहादुरले भने ।
डम्बरका अनुसार छोरा प्रनिसको स्वास्थ्यमा समस्या उत्पन्न भएपछि बैदेशिक रोजगारीको लागि बिदेश जाने सल्लाह भएर पनि आफ्नो स्वास्थ्यको गडबढीका कारण बिदेश जान असमर्थ भएको हो । परिवारका भएको ठूलो बज्रपातले गर्दा १८ महिने दुधे बालकलाई छाडेर श्रीमति बिदेश गएकी छन् । श्रीमति बिदेश गएको दुई बर्ष पुरा भयो, डम्बर बहादुरले भने–’यहि दशै तिहार अघि घर फर्कने क्रममा छन तर श्रीमति घर आगमन हुने क्रम नजिकिएसँगै हिजो सहयोगकर्ताहरु आ–आफ्नो पैशा हिसाव गर्न आउने तयारीमा रहेकोमा दुखेशो पोखे ।’
डम्बर बहादुरले भने–’छोराको यो समस्यामा आमा र बुबासँगै रहनुपर्ने चिकित्सकको सुझाव अनुसार प्रनिसको ममीलाई घर फिर्ता गरेको हुँ ।’ आफ्नो स्वास्थ्यमा देखिएको समस्याले श्रीमतिलाई बिदेश पठाएको भन्दै बुबा भएर पनि नानीहरुका लागि एउटा आमा अनि बुबा (दुबै) को जिम्मेवारी वहन गरिरहेको बताए ।
डम्बर बहादुरका अनुसार छोरा प्रनिसको उपचारको क्रममा हालसम्म रु ५ लाख बढी खर्च भएको र अव रु १० लाख खर्च हुने अनुमान छ । उनले आफ्नो छोराको उपचार गर्न आफु असमर्थ रहेको भन्दै सहयोग जुटाइदिन मनकारी नेपाली दाजु भाई र दिदी बहिनीहरुसँग अपिल गरेका छन् ।
दमक–९ इटाभट्टास्थित सरस्वती माध्यमिक बिद्यालयमा कक्षा केजीमा अध्ययनरत छन् । प्रनिसका १२ बर्षिया एक दिदी र ४ बर्षिय एक भाई छन् । उनका आमा छोरा प्रनिसको उपचार र घरायसी हातमुख जोहो गर्नलाई बैदेशिक रोजगारीको शिलशिलामा नेपाल बाहिर छन् ।
प्रतिक्रिया लेख्नुहोस्:-