प्रदेश नं. १ घेदुङमा रेख बहादुर तामाङ

मोरङ्ग २ पौष २०७६: नेपाल तामाङ्ग घेदुङ प्रदेश नं. १ को अध्यक्ष रेख बहादुर तामाङ (मोरङ) निर्वाचित भएका छन् दुइ दिनसम्म चलेको अधिवेशनले आगामी चार वर्षे कार्यकालका लागि २१ सदस्यीय नयाँ प्रदेश कार्यसमिति चयन गरेको छ । अध्यक्ष पदको लागि भएको निर्वाचनमा ८९ मत ल्याई रेख बहादुर तामाङ (मोरङ) निर्वाचित भएका छन् भने अर्का प्रत्यासी सन्तवीर तामाङले ५९ मत प्राप्त गरे ।

उद्योग वाणिज्य संघ मोरंङको सभाहलमा भएको बन्दसत्रले उपाध्यक्षमा विपिन तामाङ (संखुवासभा) र लिलामाया पाख्रिन (भोजपुर), सचिवमा तिलक तामाङ (झापा), सह-सचिवमा रुपेन्द्र घिसिङ (पांचथर), कोषाध्यक्षमा जानुका पाख्रिन (सुनसरी) लाई सर्वसम्मत चयन गरेको छ । प्रादेशिक सदस्यहरुमा टिका बहादुर पाख्रिन (इलाम), दिना कुमारी घिसिङ (ताप्लेजुङ), एकराज तामाङ (ओखलढुङगा), हिमसरी तामाङ (सोलुखुम्बु), कृष्ण कुमार तामाङ (तेह्रथुम), लोक बहादुर थिङ (सुनसरी), निमा तामाङ (पांचथर), विजेन्द्र तामाङ (भोजपुर), धन बहादुर तामाङ (संखुवासभा), मदन कुमार डुम्जन (झापा), जस बहादुर तामाङ (झापा), गोविन्द योञ्जन (खोटाङ), अर्जुन घिसिङ (उदयपुर), तस्विर मोक्तान (उदयपुर), गंगाराम गोम्देंन (धनकुटा), गोकुलसिंह योञ्जन (धनकुटा) लाइ सर्वसम्मत चयन गरेको घेदुङ निवर्तमान प्रादेशिक सचिवालय सदस्य पदम बहादुर तामाङले जानकारी दिए ।