ओखल्ढुङ्ग, ४ पौष २०७६ : सुनकोशी गाउँपालिका वडा न.५ र ९ मा पर्ने कोषभञ्ज्याङ् मा नेपाल विद्युत प्राधिकरणको सब स्टेशन निर्माणको लागि जग्गा खरिदको गर्न स्थलगत निरिक्षण सम्पन्न गरेको छ ।
निरिक्षणमा नेपाल विद्युत प्राधिकरण प्रादेशिक कार्यलय बिराटनगरको उप- प्रबन्धक बिष्णु प्रसाद यादव,सिभिल इन्जिनियर सुरज तिवारी, नेपाल विद्युत प्राधिकरण ओखलढुंगाका प्रसाशन प्रमुख शान्तिलाल खतिवडा , सुनकोशी गाउँपालिका अध्यक्ष रुद्र प्रसाद अधिकारी, गाउँपालिका प्रमुख प्रशासकीय अधिकृत रामकुमार कार्की ,स्थानीय युबा समाजसेवी योगेश तामाङ ,मनोज तामाङ ,जित बहादुर श्रेष्ठ लगायत स्थानीय बासिहरु सहभागी थिए ।
सब स्टेशन निर्माणको लागि १०-१२ रोपनी जग्गा आवश्यक पर्ने उप- प्रबन्धक यादवले बताउनु भयो ।
निरीक्षणकै क्रममा गाउपालिका अध्यक्ष अधिकारीले चुनाबमा गरेको वाचा अनुरुप आफुहरुले काम सुरु गरेको र अब दुइ वर्षभित्र सबै जनताको घरघरमा बत्ति पुर्याउने प्रतिबद्धता व्यक्त गर्नु भयो ।
प्रतिक्रिया लेख्नुहोस्:-