श्रीचौर, ओखलढुंगा १० माघ २०७६:
तामाङ्ग समुदायको महान चाड एवं नेपालको राष्ट्रिय पर्व तामाङ्ग सोनाम ल्होछार २८५६ औ जीवा ल्हो ( मुसा वर्ग) को अवसरमा मोलूँगा गाउपालिका वार्ड ५ श्रीचौरमा बेजोड सास्कृतिक कार्यक्रम हुने भएको छ ।
तामाङ्ग एकता समाजको आयोजनामा हुने उक्त कार्यक्रम स्थानीय तामाङ्ग झाकी सहित उद्घाटन हुने र तामाङ जातिको भेषभुषा, डम्फु नाच, खाना परिकारको बिशेष प्रदर्शन समेत गरिने अध्यक्ष देबेन्द्र जिम्बा तामाङले बताउनु भयो ।
साथै कार्यक्रममा चर्चित लोक गायिका सीता माझी,कल्पना सुनुवार ,अर्जुन घिसिङतामाङ्ग ,सरिता ग्याबक तामाङ्ग ,बाल कलाकार प्रशान्त घिसिङ तामाङ्ग लगायत स्थानीय कलाकारहरुको बेजोड साङ्गितिक प्रस्तुति रहने तामाङ्ग ले जानकारी दिनु भयो ।
प्रतिक्रिया लेख्नुहोस्:-