काठमाडौं, २७ माघ २०७६: भूकम्पमा बिछोडिएको परिवारको प्रेमकथामा आधारित फिल्म ‘नीरफूल’को फस्टलुक पोस्टर सार्वजनिक भएको छ ।
संचारकर्मी फूलमान वल तामाङ्गले निर्देशन गरेको फिल्मका चारवटा पोस्टर सार्वजनिक भएको हो । पोस्टरमा अभिनेता दयाहाङ राई, शान्ति वाइबा तामाङ्ग लगायत कलाकार ‘फिचर्ड’ छन् । अभिनेत्री रेखा थापाको विशेष भूमिका रहने बताइए पनि उनी पोस्टरमा अटाएकी छैनन्
आगामी फागुन ३० गते प्रदर्शनमा आउने फिल्ममा दयाहाङ, रेखा, शान्तिसँगै बुद्धि तामाङ, पुष्कर गुरुङ, जिम्मे छ्योकी घिसिङ, राजन खतिवडालगायतको अभिनय रहेको छ ।
निर्देशक बलले फिल्ममार्फत धादिङ रुबी भ्यालीको एउटा परिवारमा भूकम्पको बेलाको मानवीय संघर्ष र आममनोविज्ञान पस्किन खोजेको बताइएको छ ।
फिल्मको पटकथा निर्देशक बल र सचिन घिमिरेले लेखेका हुन् । फ्रेन्ड्स अफ नेपाल–म्यान्मार फ्रेन्डसिप काउन्सिलसितको सहकार्यमा सेलो प्रोडक्शनले निर्माण गरेको फिल्मको कार्यकारी निर्माता भने दुबईकी डोमा सोनाम हुन् ।
प्रतिक्रिया लेख्नुहोस्:-