२१ फागुन, काठमाडौं ।
नेपाली कथानक चलचित्र ‘बैनाबट्टा’ विशेष प्रदर्शनमा आएको छ ।
काठमाडौंको जमल स्थित नाचघरमा भरिभराउ दर्शक माझ औपचारिक कार्यक्रमका साथ प्रिमियर सो सम्पन्न भएको हो । नेपाली समाजको मौलिकता झल्काउने कथावस्तुमा आधारित चलचित्रमा मुख्यगरी लिम्बु जातीको इतिहास, भाषा, सस्कृति र जीवनशैली समेटिएको छ ।
चलचित्रको मुख्य भूमिकामा देवेन्द्र न्यौम्माङ, कविता बान्तवा, बाबु मोक्तान ‘विएल’, रस्मीला तामाङ छन् भने रोमनसिंह अनछङ्बो, कृष्णराज नेम्वाङ, पुष्पराज आङबुहाङ, अर्जुन श्रेष्ठ, पूर्ण पोर्तेल, नरेश वनेम, माया लावती आङदेम्बे, सिता लिम्बु लगायतको अभिनय रहेको छ ।
सुम्हात्लुङ फिल्मस प्रा.लि.को ब्यानरमा निर्माण भएको चलचित्र ‘बैनाबट्टा’मा ताप्लेजुङ, इलाम र पाँचथरका लिम्बु गाउँको दृष्य देख्न पाइनेछ ।
करीब ४० लाख लगानीमा तयार भएको चलचित्र बैनाबट्टाले आदिबासी जनजातीको पहिचान गराउन विशेष भुमिका रहने चलचित्रका निर्माता प्रेमराज लावतीले जानकारी दिए ।
प्रतिक्रिया लेख्नुहोस्:-