उदयपुरमा थप एकजनामा कोरोना संक्रमण पुष्टि, संक्रमित संख्या ११० पुग्यो

२७ वैशाख, काठमाडौं । उदयपुरमा थप एकजना महिलामा कोरोना संक्रमण पुष्टि भएको छ । शनिबार मात्र नेपालमा ८ जना कोरोना भाइरस संक्रमित थपिएका हुन् । उनीहरुमध्ये चार जना उदयपुरको भुल्केका हुन् । तीन जना कपिलबस्तु र एक जना पर्साका हुन् ।

यससँगै नेपालका कुल संक्रमितको संख्या ११० पुगेको छ । उनीहरुमध्ये २८ जना निको भएर घर फर्किएका छन् ।

स्वास्थ्य तथा जनसंख्या मन्त्रालयले शनिबार विहान ७ जनामा कोरोना संक्रमण देखिएको बताएको थियो । त्यसमध्ये तीन जना उदयपुरको त्रियुगा नगरपालिका-३ भुल्केका हुन् । विराटनगरको प्रयोगशालामा गरिएको परीक्षणमा महिलामा कोरोना पोजेटिभ देखिएको हो ।