थप ६ जनामा कोरोना संक्रमण पुष्टि, संक्रमित संख्या २ सय ७३ पुग्यो

३ जेठ, काठमाडौं । शनिबार नेपालमा थप ६ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार थपिएका संक्रमितहरु बर्दिया नार्सु ११ का २८ वर्षकी महिला, सिराहा सखुरा १९ का ३० वर्षीय पुरूष, पर्सा वीरगन्ज १२ का २८ र २९ वर्षीय पुरूष, सर्लाही रामनगर ४ की १८ वर्षीय युवती र चितवन गढौली १ की २५ वर्षीया महिलामा कोरोना भाइरस पुष्टि भएको हो ।

यो सँगै नेपालमा कोरोना संक्रमितको संख्या २ सय ७३ पुगेको छ ।