झापामा थप १ जनामा कोरोना संक्रमण पुष्टि, संक्रमित संख्या ३ सय ५८ पुग्यो

५ जेठ, काठमाडौं । सोमबार साँझ झापामा थप एक जनामा कोरोना संक्रमण पुष्टि भएको छ ।

केही दिनअगाडि भारतबाट आएका झापा कचनकवल गाउँपालिकाका २३ वर्षीय युवकमा कोरोना संक्रमण पुष्टि भएको प्रदेश १ सामाजिक विकास मन्त्रालयका एक अधिकारीले जानकारी दिए ।

भारतबाट गाउँपालिकामा आएका ६० जनाको नमुना संकलन गरी पठाएकोमा एक जनामा पोजेटिभ देखिएको मन्त्रालयले जनाएको छ ।

योसँगै झापामा कोरोना संक्रमितको संख्या तीन पुगेको छ । यसअघि दमक नगरपालिका र बाह्रदशी गाउँपालिकाका एक एक जनामा कोरोना संक्रमण पुष्टि भइसकेको छ ।

यससँगै नेपालना कोरोना संक्रमण संख्या ३५८ पुगेको छ ।