६ जेठ, काठमाडौं । मंगलबार झापा र सुनसरीमा थप ११ जनामा कोरोना भाइरस संक्रमण पुष्टि भएको छ ।
झापाका ९ र सुनसरीका २ जनामा कोरोना संक्रमण पुष्टि भएको हो । झापा केचनकवल गाउँपालिकाका ९ जनामा कोरोना संक्रमण देखिएको कोशी अस्पतालकी मेडिकल सुपरिटेण्डेन्ट डा. संगीता मिश्राले पुष्टि गरेकी हुन् ।
त्यस्तै विपी कोइराला स्वास्थ्य विज्ञान प्रतिष्ठान धरानमा गरिएको परीक्षणमा सुनसरीका दुईजनामा कोरोना पोजेटिभ देखिएको हो ।
योसँगै झापामा कोरोना संक्रमितको संख्या १२ पुगेको छ भने सुनसरीमा कोरोना संक्रमितको संख्या ३ पुगेको छ ।
प्रतिक्रिया लेख्नुहोस्:-