लकडाउनको मोडालिटी परिवर्तन, भोलीदेखी पसल खुल्ने, निजि सवारी साधन जोर विजोर प्रणालीमा चल्न दिइने

२८ जेठ, काठमाडौं । सरकारले अब व्यापार व्यवसायका पसलहरु खोल्न दिने निर्णय गरेको छ ।

बुधबार साँझ बसेको मन्त्रिपरिषद् बैठकले जेठ ११ देखि जारी लकडाउनको मोडालिटी परिर्वतन गर्ने निर्णय गरेको हो ।

बैठकले सबै किसिमका पसलहरु सुरक्षा मापदण्ड अपनाएर सञ्चालन गर्न दिने निर्णय गरेको हो । यस्तै बुधबार साँझ सम्पन्न भएको मन्त्रिपरिषद बैठकले निजी सवारीसाधन जोरबिजोरका आधारमा सञ्चालन गर्न दिने निर्णय पनि गरेको छ । यो निर्णय बिहिबारदेखि नै लागु हुने मन्त्रिपरिषद निकट स्रोतले जानकारी दिएको छ ।