शनिबार थप २७३ जनामा कोरोना संक्रमण पुष्टि, संक्रमित संख्या ५३३५ पुग्यो

३१ जेठ, काठमाडौं ।
नेपालमा शनिबार थप २७३ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले दिएको जानकारी अनुसार नेपालको विभिन्न प्रयोगशालामा गरिएको परीक्षणमा थप २७३ जनामा कोरोना संक्रमण पुष्टि भएको हो ।

योसँगै नेपालमा कोरोनाबाट संक्रमित हुनेको संख्या ५३३५ पुगेको छ । ९१३ जना अस्पतालबाट डिस्चार्ज भइसकेका छन् भने १८ जनाको मृत्यु भएको छ ।