पोखरा, १ असार २०७७१: विश्वव्यापी कोभिड-१९ कोरोना महामारीको संकटको घडीमा करिव तीन महिना लामो लकडाउनका कारण दैनिकी ज्यालामजदुरी गर्ने विपन्न वर्ग , अपंग र एकल महिला लगायतका लकडाउनले दैनिकी चलाउन गार्हो भएका लगभग ३०० घरधुरी परिवारलाई नेपाल तामाङ घेदुङ पोखरा महानगर समितिले राहत वितरण गरेको छ ।
नेताघे महानगर समितिका अध्यक्ष श्री टेक बहादुर तामाङको संयोजकत्वमा स्वदेश तथा विदेशमा रहेका सहयोगी दाताहरुद्वारा प्राप्त राहत सहयोग संकलन गरि ईकाई अध्यक्षहरुको परामर्श र पोखरा महानगर पालिकाको स्वीकृतिमा सो राहत वितरण गरिएको संयोजक तामाङ्गले बताउनु भयो ।
वितरण कार्यक्रममा नेपाल तामाङ घेदुङ गण्डकी प्रदेशका निवर्तमान अध्यक्ष दिपक वाईबा तामाङ्ग , सचिव सुन्दर थोकर,प्रदेश सदस्य कमला तामाङ जिल्ला अध्यक्ष मान बहादुर तामाङ , आदिवासी महिला महासंघ कास्कीका सचिव मिनमाया डुम्जन,नगर समितिका उपाध्यक्ष शिवु ब्लोन, सचिव कुमार थिङ , कोषाध्यक्ष अन्जना तामाङ , महिला घेदुङ्गका अध्यक्ष पवित्र थोकर , सिम्पानी इकाईका अध्यक्ष बिर बहादुर थोकरको सहभागिता रहेको थियो ।
प्रतिक्रिया लेख्नुहोस्:-