मंगलबार थप ३८० जनामा कोरोना संक्रमण पुष्टि, संक्रमित संख्या ६५९१ पुग्यो

२ असार, काठमाडौं । मंगलबार नेपालमा थप ३८० जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार थप ३८० जनामा कोरोना पुष्टि भएको हो । यससँगै नेपालमा कुल सं‌क्रमितको संख्या ६५९१ पुगेको छ ।

हालसम्म मृत्यु भएका १९ जनामा कोरोना पुष्टि भएको छ ।
त्यस्तै विभिन्न अस्पतालहरुबाट मंगलबार ११७ जना कोरोनाबाट निको भई घर फर्किएका छन् । जसमा ८ महिला र १०९ पुरुष छन् । यीसहित निको हुनेको संख्या १ हजार १५८ जना छन् ।