शुक्रबार १०१ जनामा कोरोना संक्रमण पुष्टि, संक्रमित संख्या १७ हजार ४४५ पुग्यो

२ साउन, काठमाडौं । शुक्रबार नेपालमा थप १०१ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार थप १०१ जनामा कोरोना संक्रमण पुष्टि भएको हो । यससँगै हालसम्म कोरोना संक्रमितको संख्या १७ हजार ४४५ पुगेको छ ।

शुक्रबार २ सय ८५ जना डिस्चार्ज भएका छन् । हालसम्म ११ हजार ५ सय ३४ जना डिस्चार्ज भइसकेका मन्त्रालयका प्रवक्ता डा. जागेश्वर गौतमले जानकारी दिए ।