मंगलबार उपत्यकामा २३२ सहित थप ८५५ जनामा कोरोना संक्रमण पुष्टि, संक्रमित संख्या ३३ हजार ५३३ पुग्यो

९ भदौ, काठमाडौं ।मंगलबार काठमाडौं उपत्यकामा २३२ सहित थप ८५५ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ११ हजार ३ सय २७ स्वाब परीक्षण गर्दा ८५५ जनामा कोरोना संक्रमण पुष्टि भएको हो । यससँगै हालसम्म नेपालमा कुल कोरोना संक्रमितको संख्या ३३ हजार ५३३ पुगेको छ ।

पछिल्लो २४ घण्टामा कोरोना संक्रमण निको भई ३१३ जना डिस्चार्ज भएका छन् । डिस्चार्ज हुनेको कुल संख्या १९ हजार ११९ पुगेको छ । त्यस्तै कोरोनाबाट मृत्यु हुनेको संख्या १५८ पुगेको छ ।