बुधबार उपत्यकामा ३०१ सहित थप ८८५ जनामा कोरोना भाइरस संक्रमण पुष्टि, ११ जनाको मृत्यु

१० भदौ, काठमाडौं । बुधबार काठमाडौं उपत्यकामा ३०१ सहित थप ८८५ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार १३ हजार २ सय ५३ जनाको परीक्षण गर्दा ८८५ जनामा संक्रमण देखिएको हो । हालसम्म नेपालमा कोरोना संक्रमितको संख्या ३४ हजार ४१८ पुगेको छ ।

पछिल्लो २४ घण्टामा कोरोना भाइरस संक्रमण निको भएर ३८५ जना घर फर्किएका छन् । हालसम्म १९ हजार ५०४ जना घर फर्किएका छन् । त्यस्तै कोरोना संक्रमणबाट बुधबार थप ११ जनाको मृत्यु भएको छ । यससँगै कोरोनाबाट मृत्यु हुनेको संख्या १७५ पुगेको छ ।