आइतबार उपत्यकामा ४२९ सहित नेपालमा थप १२२१ जनामा कोरोना संक्रमण पुष्टि, १४ जनाको मृत्यु

१४ भदौ, काठमाडौं । आइतबार काठमाडौं उपत्यकामा ४२९ सहित नेपालमा थप १२२१ जनामा कोरोना भाइरस (कोभिड-१९) को संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा १२ हजार ७१७ नमुना परीक्षण गर्दा ३४८ महिला र ८७३ पुरुषमा संक्रमण पुष्टि भएको हो । यी सहित हालसम्म कोरोना संक्रमितको संख्या ३८ हजार ५६१ पुगेको छ ।
पछिल्लो २४ घण्टामा २६७ जना कोरोनआ निको भएर घर फर्किएका छन् । हालसम्म निको भएर घर फर्किनेको संख्या २० हजार ८२२ पुगेको छ ।कोरोना संक्रमणबाट विगत २४ घण्टामा थप १४ जनाले ज्यान गुमाएका छन् । यीसँगै नेपालमा ज्यान गुमाउनेको संख्या २२१ पुग्यो ।