मंगलबार उपत्यकामा ४८१ सहित थप १०६९ जनामा कोरोना संक्रमण पुष्टि, ११ जनाको मृत्यु

१६ भदौ, काठमाडौं । मंगलबार काठमाडौं उपत्यकामा ४८१ सहित थप १०६९ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार १२ हजार ८८ जनामा गरिएको परीक्षणमा १०६९ जनामा संक्रमण पुष्टि भएको हो । यससँगै हालसम्म नेपालमा कोरोना संक्रमितको संख्या ४० हजार ५२९ पुगेको छ ।

पछिल्लो २४ घण्टामा कोरोना संक्रमण मुक्त भई ७६८ जना घर फर्किएका छन् । मंगलबारसम्म २२ हजार १७८ जना डिस्चार्ज भएका मन्त्रालयले जनाएको छ । त्यस्तै विगत २४ घण्टामा कोरोना संक्रमणबाट थप ११ जनाको मृत्यु भएको छ । हालसम्म कोरोना संक्रमणबाट मृत्यु हुनेको संख्या २३९ पुगेको छ ।