पोखरा, २ असोज । मिर्गाैला पीडित कास्की जिल्ला, मादी गाउँपालिका वडा नं.१ सिक्लेस लामाथरका युवा समाजसेवी बुद्धिबहादुर गुरुङको उपचारार्थ तमु समाज बेल्जियमले सहयोग गरेको छ।
आर्थिक अवस्था कमजोर रहेका गुरुङको उपचारका लागि गठित सहयोग समितिले तमु समाज बेल्जियमलाई सहयोगको आग्रह पश्चात १ लाख १० हजार १६० रुपैया सहयोग गरेको हो।
पीडितको उपचार सहयोगार्थ बेल्जियममा संकलित उक्त रकम तमु समाज बेल्जियमकी अध्यक्ष नन्दकुमारी गुरुङले नेपाल पठाउनु भएको हो। उक्त रकम तमु धिं नेपालका द्धितिय उपाध्यक्ष तथा पत्रकार हुमबहादुर गुरुङले मिर्गौला पीडित बुद्धिबहादुर गुरुङ उपचार सहयोग समितिका प्रतिनीधि सिक्लेस युवा क्लवका उपाध्यक्ष देविजंग गुरुङलाई हस्तान्तरण गर्नुभएको हो।
रकम ग्रहण पश्चात शिक्षक उपाध्यक्ष देविजंग गुरुङले सहयोगका लागि तमु समाज बेल्जियमलाई धन्यवाद दिनुहुदै सिक्लेसको तमुको पिडामा बेल्जियममा रहनु भएका तमुहरुको साझा संस्था तमु समाज बेल्जियमको सहयोग अतुलनीय रहेको बताउनुभयो। तमु समाज बेल्जियमको सहयोग मात्र नभएर मिर्गाैला पीडितका लागि शीघ्र स्वास्थ्य लाभको आर्शिवाद समेत रहेको बताउनुभयो। रकम संकलन गरी पीडितको उपचारार्थ पठाउनु हुने तमु समाज बेल्जियमकी अध्यक्ष नन्दकुमारी गुरुङसहित कार्यसमिति, सहयोगदाताहरु र नेपालमा रकम उपलब्ध गराउन हुने तमु धिं नेपालका उपाध्यक्ष तथा पत्रकार हुमबहादुर गुरुङलाई आभार व्यक्त गर्नुभयो।
प्रतिक्रिया लेख्नुहोस्:-