बिहीबार उपत्यकाका ९४३ सहित देशभर थप १९११ जनामा कोरोना संक्रमण पुष्टि, ११ जनाको मृत्यु

१५ असोज, काठमाडौं । बिहीबार काठमाडौं उपत्यकाका ९४३ सहित देशभर थप १९११ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार १२ हजार ४४४ जनाको पीसीआर परीक्षण गर्दा थप १९११ जनामा संक्रमण पुष्टि भएको हो । यससँगै हालसम्म संक्रमित हुनेको संख्या ७९ हजार ७२८ पुगेको छ ।

पछिल्लो २४ घण्टामा कोरोना संक्रमणमुक्त भइ ९६१ जना घर फर्केका छन् । यीसहित हालसम्म नको हुनेको संख्या ५७ हजार ३८९ पुगेको छ ।त्यस्तै बिहीबार मृतक ११ जनामा कोरोना पुष्टि भएको छ । हालसम्म कोरोना संक्रमणबाट मृत्यु हुनेको संख्या ५०९ पुगेको छ ।