आइतबार उपत्यकामा १५९९ सहित थप २२५३ जनामा कोरोना संक्रमण पुष्टि, ७ जनाको मृत्यु

१८ असोज, काठमाडौं । आइतबार काठमाडौं उपत्यकामा १५९९ सहित देशभर २२५३ जनामा कोरोना संक्रमण पुष्टि भएको छ ।

देशभरका प्रयोगशालामा १२ हजा ७८४ नमुना परीक्षण गर्दा थप २२५३ जनामा संक्रमण पुष्टि भएको हो । यीसहित हालसम्म देशभर संक्रमित हुनेको संख्या ८६ हजार ८२३ पुगेको छ ।

पछिल्लो २४ घण्टामा १ हजार ३२९ जना कोरोनाबाट निको भएका छन् । यीसहित हालसम्म निको हुनेको संख्या ६४ हजार ६९ पुगेको छ । त्यस्तै आइतबार मृतक थप ७ जनामा कोरोना पुष्टि भएको छ । यीसहित हालसम्म कोरोनाबाट मृत्यु हुनेको संख्या ५ सय ३५ रहेको छ ।