उपत्यकामा २५४० सहित थप ४३६४ जनामा कोरोना संक्रमण पुष्टि, १२ जनाको मृत्यु

२२ असोज, काठमाडौं । बिहीबार काठमाडौं उपत्यकामा २५४० सहित नेपालमा ४ हजार ३६४ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभर ४ हजार ३६४ जनामा कोरोना संक्रमण पुष्टि भएको हो । यससँगै कुल संक्रमितको संख्या ९८ हजार ६१७ पुगेको छ ।

पछिल्लो २४ घण्टामा २ हजार ६७५ जना कोरोनाबाट निको भएका छन् । यीसहित हालसम्म कोरोनाबाट निको हुनेको संख्या ७१ हजार ३४३ पुगेको छ । त्यस्तै बिहीबार थप १२ जनाको कोरोनाबाट मृत्यु भएको छ । यीसहित मृत्यु हुनेको संख्या ५९० पुगेको छ ।