रामेछाप, माघ २१ – नेपाल विद्युत प्रकिकरणका कार्यकारी निर्देशक कुलमान घिसिङले मुलकलाई चाडै नै लोडसेडिङ मुक्त बनाउने घोषणा गर्नुभएको छ । उहाँले त्यसका लागि जस्तोसुकै परिस्थितिको सामना गर्न आफू तयार रहेको बताउनुभयो ।
शुक्रबार जिविस रामेछापले आयोजना गरेको कुलमानको स्वागत र जिल्लास्थित सरोकारवालासमेतको अन्र्तक्रिया कार्यक्रमा उहाँले लोडसेडिङ मुक्त बनाउने घोषणा गर्नुभएको हो ।
अहिले प्राधिकरणले विद्युत चुहावटको कामलाई नियन्त्रण गर्ने अभियान चलाएको भन्दै चुहावटको नियन्त्रणका लागि आफू रात दिन लागि परेको पनि कार्यकारी प्रमुख घिसिङले बताउनुभयो । त्यस खालको अभियानलाई सफलतामा पुर्याउनका लागि उर्जा मन्त्री र संचालक समिति र प्राधिकरणका कर्मचारी साथीहरुको समेत महत्वपूर्ण भूमिको रहेको रसफलतका लागि टीम स्प्रीडले काम गरि रहेको उहाँले बताउनुभयो ।
उहाँले आफू कार्यकारी प्रमुख बनेदेखि नै विद्युत चुहावट कम गर्ने काम गर्न लाग्दा आफूले धेरै खालका चुनौतिको सामना गर्नु परेको स्मरण गर्दे विद्युत चुहावट नियन्त्रण र मुलुकलाई लोडसेडिङमुक्त बनाउने अभियानमा जस्तोसुकै कठिनाई परेपनि सामना गर्न आफू तयार रहेको उहाँले बताउनुभयो । आफ्नो टीमको अथक प्रयासका कारण प्राधिकरणले संचालन गरेको अभियानबाट विद्युत चुहावटमा सहयोग पुगेको पनि उहाँले बताउनुभयो । उहाँले अहिलेसम्मको कामको गतिलाई निरन्तरता दिन सके मुलुकलाई चाँडै नै लोडसेडिङ मुक्त बनाउन सकिने भिजन आफूसँग रहेको दावीसमेत गर्नुभयो ।
सरकारले मुलुकभरका विभिन्न तीनहजार मेघावाट विद्युत उत्पादनको लागि पीपीए गरेको र त्यसमा रामेछापका विभिन्न खोला र नदीबाट मात्र १ हजार ८ सय मेघावाट विजुलीको लागि पीपीए भएको भन्दै यसबाट पनि रामेछापमा विद्युत विकासको अवस्थाको बारेमा सजिलै आँकलन गर्न सकिने पनि कार्यकारी निर्देशक घिसिङ्गले बताउनुभयो ।
अन्र्तक्रिया कार्यक्रमका सहभागीले रामेछापमा विद्युतीकरणको अवस्था र त्यसको विस्तारको अवस्थाका बारेमा कार्यकारी प्रमुखसँग जिज्ञासा राखेका थिए । सहभागीले जिल्लाका अधिकांश गाविसमा अहिलेसम्म पनि विद्युतीकरण भई नसकेको र भएका ठाउँहरुमा पनि काठको पोलहरुका कारण समस्या आएको भन्दै त्यसको दिर्घकालीन निकासका लागि पनि कार्यकारी प्रमुखहरुसँग आग्रह गरेका थिए ।
आग्रहलाई स्वीकार गर्दे कार्यकारी प्रमुखले प्राधिकरणले यसै वर्ष ३ हजार पोल खरिदको काम अघि बढाई सकेको र पोल खरिद गर्नासाथ काठको पोल विस्थापन गरि चाँडैनै रामेछापका सबै गाउँमा आफूले विद्युतीकरण गर्र्ने कामलाई पूर्णता दिने आश्वासन पनि कुलमानले दिनुभयो ।
प्रतिक्रिया लेख्नुहोस्:-