फागुन ५ – च्याम्पियन्स लिग अन्तर्गत प्रि–क्वाटरफाइनलको पहिलो लेगमा जर्मन बुन्डेसलिगा क्लब बार्यन म्युनिखले इंग्लिस प्रिमियर लिग क्लब आर्सनलमाथि शानदार जित दर्ता गरेको छ । घरेलु मैदानमा बुधबार राति भएको पहिलो लेगमा बार्यन म्युनिखले आर्सनललाई ५–१ ले हराएको हो ।
११ औं मिनेटमा आर्जेन रोबिनले गोल गर्दै बार्यनलाई सुरुवाति अग्रता दिलाएका थिए । ३० औं मिनेटमा एलेक्स सान्चेजले आर्सनलका लागि बराबरी गोल फर्काए । सान्चेजले त्यसअघि पाएको पेनाल्टीको अवसरमा भने गोल गर्न सकेका थिएनन् । पहिलो हाफमा १–१ को बराबरी भएको भएपनि दोस्रो हाफमा भने आर्सनलले बार्यनलाई रोक्न सकेन । बार्यनका लागि ५३ औं मिनेटमा रोबर्ट लेवान्डोस्कीले गोल गरे । थिएगो एल्कान्टाराले ५६ र ६३ औं मिनेटमा गोल गर्दै बार्यनको अग्रता ४–१ मा पुर्याए ।
८८ औं मिनेटमा थोमस मुलरले गोल गरेपछि बार्यन ५–१ ले विजयी भयो । अवे मैदानमा हारेको आर्सनलले दोस्रो लेगमा आउँदो मार्च ७ मा घरेलु मैदानमा खेल्नेछ । प्रतियोगिताको अघिल्लो चरण पुग्नका लागि आर्सनलले दोस्रो लेगमा कम्तिमा चार गोल अन्तरले जित्नु पर्छ । पहिलो लेगमा आर्सनल बार्यन म्युनिख सामु निकै कमजोर देखियो । खेल अवधिभर ७५ प्रतिशत भन्दा बढी समयमा बलमा नियन्त्रण बार्यनको थियोl पहिलो हाफमा बनाएका गोल गर्ने दुई वटा सुन्दर मौका आर्सनलले गुमायो ।
प्रतिक्रिया लेख्नुहोस्:-