प्रस्तावित १२ राजदूतको नाम अनुमोदन

इसरोकार संवाददाता काठमाडौं, चैत ९ – संसदीय सुनुवाइ विशेष समितिले राजदूतमा प्रस्तावित १२ जनाको नाम सर्वसम्मतिले अनुमोदन गरेको छ । समितिले प्रस्तावित राजदूतहरुको मंगलबार र बुधबार सुनुवाई गरेर नाम अनुमोदन गरेको हो ।

समितिले ओमनका लागि शर्मिला पराजुली ढकाल, इजरायलका लागि निरञ्जनकुमार थापा, कतारका लागि रमेशप्रसाद कोइराला, दक्षिण कोरियाका लागि अर्जुनजंगबहादुर सिंह, जापानका लागि प्रतिभा राणा,  डेनमार्कका लागि युवनाथ लम्साल, अस्ट्रेलियाका लागि लक्की शेर्पा, बंगलादेशका लागि चोपलाल भुषाल, बहराइनका लागि पदम सुन्दास, म्यानमारका लागि भीमकृष्ण उदास, श्रीलंकाका लागि विश्वम्भर प्याकुरेल र साउदी अरेबियाका लागि महेन्द्रप्रसादसिंह राजपुतको नाम अनुमोदन गरेको हो । उनीहरुको नाम अब सरकारले सम्बन्धित देशमा एग्रिमोका लागि पठाउने छ ।