महराले भने–निधि र थापा भन्दा म सिनियर

इसरोकार संवाददाता रोल्पा, चैत ११ – उपप्रधानमन्त्रीहरु विमलेन्द्र निधि र कमल थापामध्ये कसले कार्यबाहक प्रधानमन्त्री लिने भन्नेबारे काठमाडौंमा विवाद भइरहेका बेला शुक्रबार रोल्पाबाट अर्का उपप्रधानमन्त्री तथा अर्थमन्त्री कृष्णबहादुर महराले आफू सिनियर रहेको बताउनुभएको छ ।

प्रेस सेन्टर नेपाल रोल्पाले शुक्रबार लिबाङमा गरेको पत्रकार सम्मेलनमा कार्यबाहक प्रधानमन्त्रीको विवाद किन भएको ? भन्ने पत्रकारको प्रश्नमा महराले सिष्टममा आफू सिनियर रहेको बताउनुभएको हो । महाराले भन्नुभयो ‘सिष्टममा त सिनियर म नै हो ।

आफ्नो पार्टीको अध्यक्ष समेत रहेका प्रचण्ड प्रधानमन्त्री भएकाले आफूले दाबी नगरेको महराको भनाई छ । ‘मैले दाबी गरेको छैन्’ उहाँले भन्नुभयो ‘प्रमुख सत्ता साझेदार दलको तर्फबाट निधिले कार्यबाहक प्रधानमन्त्रीको दाबी गरेको र थापाले आफू राप्रपाको अध्यक्ष समेत भएको भन्दै दाबी गर्दा विवाद उत्पन्नभएको हो ।’