इसरोकार/११ चैत, काठमाडौं
थाइ एयरबाट थाइल्याण्ड जान लागेका चार जना भिक्षुणीहरुको साथबाट आज २ लाख ८६ हजार अमेरिकी डलर बरामद भएको प्रहरीले जनाएको छ । त्रिभुवन अन्तर्राष्ट्रिय विमानस्थलबाट प्रहरीले ठूलो परिमाणमा अमेरिकी डलर बरामद गरेको हो ।
विमानस्थलका डीआइजी पंकज श्रेष्ठका अनुसार काठमाडौंबाट थाइल्याण्ड जान लागेका ४ जना भिक्षुणीहरुको झोलामा संकास्पद देखिएपछि चेक गर्दा डलर र २ लाख ६८ हजार भारतीय मुद्रा समेत भेटिएको हो ।
‘नेपालबाट यति ठूलो परिमाणमा डलर लैजान पाइँदैन, कहाँबाट डलर ल्याए भन्ने अनुसन्धान हुँदै छ ।’ डीआइजी श्रेष्ठले भने ।
आरोपी हरुले भने विद्यालय बनाउन संकलन गरेको डलर आफुहरुले लैजान लागेको बताएका छन् ।
प्रतिक्रिया लेख्नुहोस्:-