इसरोकार संवाददाता बैशाख ३, इनरुवा– सङ्घीय समाजवादी फोरम नेपालका अध्यक्ष उपेन्द्र यादवले सुनसरी जिल्ला भोक्राहा गाविसका अग्निपीडित परिवारलाई राहत वितरण गरेका छन् ।
यादवले बिहीबार भोक्राहाका अग्निपीडित प्रतिपरिवारलाई एक/एक बोराका दरले २१ बोरा चामल वितरण गर्नुभएको यादवका सहयोगीले बताएका छन् । यादवले घटनास्थलको निरीक्षण गर्दै सहयोग र राहत वितरणपछि पीडितको बासस्थान तथा आवासका लागि सरकारलाई सहयोग गर्न आग्रह गर्नेसमेत बताए । शनिबार सुनसरीको भोक्राहा गाविसमा आगलागी हुँदा २१ परिवारका ६५ वटा घर जल्दा एक करोड ५० लाख रुपैयाँ बराबरको क्षति भएको थियो ।
प्रतिक्रिया लेख्नुहोस्:-