आपसी झगडामा कुटपिट पछि एक युवा बेपत्तात्ता

धनकुटा , पुस १३ आपसी झगडामा कुटपिट पछि धनकुटा खाल्सा छिन्ताङ्ग सहिदभूमि गाउँपालिकाका एक यूवा बेपत्ता भएका छन् ।
गाउँपालिकाको थलथले र पिल्लेको सिमानामा रहेको पानीटारमा आपसी बिवादका कारण २ समुह बीच झगडा भएपछि वडा नं. ६ का ३८ बर्षिय प्रदिप(सागर) राई बेपत्ता भएका छन् । बेपत्ता भएका राईसंग रहेका ४ जना र अन्य ८ जनाको समुह बिच बुधबार बेलुका झगडा भएको थियो । विवाद पछि बेपत्ता भएका राईको मोवाईल र जुत्ता अम्रिसो घारीमा भेटिएपनि राई बेपत्ता रहेको प्रहरी चौकी थलथलेले जानकारी दिएको छ । बेपत्ता राईका अन्य तीन साथीहरु सम्पर्कमा आएपनि अर्को समुहका कविराज राई र साजन राई लगायत सबै युवा फरार रहेका छन् । घट्ना गम्भिर हुन सक्ने भन्दै घटनामा संलग्न ब्यक्तिको खोजिकार्य भइरहेको थलथले प्रहरी चौकीका प्रहरी सहायक निरिक्षक धनपति विमलीले जानकारी दिनुभयो ।