प्रसिद्ध पर्यटकीय स्थल धनकुटाको भेडेटारमा आजबाट छैठौँ खाना महोत्सव सुरु

धनकुटा १६ पुस । प्रसिद्ध पर्यटकीय स्थल धनकुटाको भेडेटारमा आजबाट छैठौँ खाना महोत्सव सुरु भएको छ ।
अफसिजनमा पनि पर्यटक भित्राउने उदेश्य सहित होटल एसोसिएसन भेडेटारले अंग्रेजी नयाँ वर्ष २०१८ लाई लक्षित गरी महोत्सवको आयोजना गरीएको हो । पर्यटकीय स्थल भेडेटारमा २०६८ साल देखि नियमित रुपमा खाना महोत्सव हुँदै आइरहेको छ । महोत्सवमा स्थानीय खानाका परिकार, स्थानीय अर्गानिक खेतीवाट उत्पादित तरकारी तथा फलफुलको प्रदर्शनी, हस्तकला, कृषि तथा घरेलु सामाग्रीहरु प्रर्दशनी मुख्य आकर्षण रहेका छन् । महोत्सवमा आउने आगन्तुकहरुलाई प्याराग्याइडिङ, माउन्टेन वाइक र टुर प्याकेजको व्यवस्था गरिएको आयोजकले जनाएको छ । महोत्सवमा ३० हजार आन्तरीक तथा बाह्य पर्यटक आउने र १ करोड रुपैया वरावरको आर्थिक कारोवार गर्ने लक्ष्य राखिएको होटल एसोसिएसन भेडेटारका अध्यक्ष लिलाराज लावतिले जानकारी दिनुभयो । महोत्सवमा आउने पर्यटकहरुलाई सागुरीगढी गाउपालिका भित्र रहेको साँगुरी गणी, पाथीभारा मन्दिर, शंखेश्वर महादेवको मन्दिर, नाम्जे, नमस्ते झर्ना, शैलुङडाँडा, आत्म बस्ने घर थुम्की, बौद्धविहार गुम्बा ध्वाजे डाडा अजङगको बरको रुख लगायतका ठाउँमा घुमाइने जनाइएको छ ।