प्रमुख आयुक्त यादवले भने राष्ट्रियसभाको चुनाव नभएसम्म प्रतिनिधीसभाको परिणाम सार्वजनिक गर्न मिल्दैन

काठमाडौं, १६ पुस । प्रमुख निर्वाचन आयुक्त डा. अयोधिप्रसाद यादवले राष्ट्रियसभाको चुनाव नभएसम्म प्रतिनिधीसभा चुनावको परिणाम सार्वजनिक गर्न नमिल्ने बताउनुभएको छ । आईतबार काठमाडौमा आयोजित साक्षात्कार कार्यक्रममा प्रमुख आयुक्त यादवले राष्ट्रियसभाको चुनावपछि आएको नतिजाका आधारमा प्रतिनिधिसभातर्फ समानुपातिकको नतिजा सार्वजनिक गरिने बताउनुभयो । संविधान अनुसार संघीय संसदमा ३३ प्रतिशत महिलाको सहभागिता हुनुपर्ने भएकाले राष्ट्रियसभाको नतिजा पछि महिलाको सहभागिता कति थप्नुपर्ने हो त्यो प्रतिनिधीसभाको समानुपातिकबाट पूर्ति गर्नुपर्ने भएकोले महिलाको प्रतिनिधित्व सुनिश्चित गर्नको लागी पनि तत्काल प्रतिनिधीभा चुनावको परिणाम सार्वजनिक गर्न नमिल्ने यादवले बताउनुभयो ।