पोखरा, २२ माघ
पोखरा ९ नयाँजारमा रहेको तमु जातिको पुरानो सामाजिक संस्था तमु धिं नेपालले आफ्नो कार्यसमितिमा रहेर प्रगति गरेका पदाधिकारी र सदस्यहरुलाई बधाई एवं सम्मान गरेको छ ।
हालै तमु पत्रकारिता पुरस्कारबाट सम्मानित तमु धिं नेपालका द्धितिय उपाधयक्ष हुमबहादुर गुरुङ, गुरुङ फिल्म एशोसियसन नेपाल(जिफान)को अध्यक्षमा सर्वसम्मत नवनिर्वाचित तमु धिं नेपालका महासचिव गिरीप्रसाद गुरुङ, एलएलएम उतिर्ण गर्नुभइ पृथ्वीनारायण क्याम्पसमा प्राध्यापन शुरु गर्नुभएकी सचिव जुनाकुमारी गुरुङ, मातृभाषा केन्द्रको सहयोगमा गुरुङ भाषा लेखन शैली कार्यक्रमका संयोजक, कार्यसमिति सदस्य गमबहादुर गुरुङ, भाषा संयोजक ले.थमबहादुर गुरुङ, निर्माण व्यवसायी समितिको वरिष्ठ उपाध्यक्षमा निर्वाचित कार्यसमिति सदस्य नारायण गुरुङ र नयाँ निर्माण हुने तमु धिं नेपालको साँस्कृतिक भवनको नक्शा तयार पार्नुभएका गुरुयोजना संयोजक ई.किसानसिंह गुरुङलाई तमु धिं नेपालकी अध्यक्ष कर्म तमुले खादा लगाएर बधाईका साथ सम्मान गर्नुभएको हो ।
कार्यक्रममा मातृभाषा केन्द्रको सहयोगमा तमु भाषा लेखन शैलीको लागि सञ्चालित अभियानका बारेमा संयोजक गमबहादुर गुरुङ, तमु साँस्कृतिक भवनको नक्शा र भवनको प्रारुपका बारेमा गुरुयोजना संयोजक ई.किसानसिंह गुरुङ, तमु धिं नेपालको स्मारिका प्रकाशन संयोजक डा.चन्द्रबहादुर गुरुङ, ह्वाईट लोटस स्टुडियोका संचालक युग गुरुङले तमु मै ताँ संचालनको बारेमा भनाई राख्नु भएको तमु धिं नेपालकी अध्यक्ष कर्म तमुले जानकारी दिनुभयो ।
प्रतिक्रिया लेख्नुहोस्:-