लहान, १३ भदौ: प्रदेश २ का मुख्यमन्त्री लालबाबु राउतले प्रदेशमा सञ्चालित ‘बेटी पढाउ, बेटी बचाउ र मुख्यमन्त्री स्वच्छता’ अभियानमा सहयोग गर्न आग्रह गर्नुभएको छ ।
नेपाल राष्ट्रिय मारवाडी परिषद्को १५आँै वार्षिक साधारणसभालाई आज सम्बोधन गर्दै मुख्यमन्त्री राउतले सरकारको यस अभियानलाई आ–आफ्नो ठाउँबाट सहयोग गर्नुपर्नेमा जोड दिनुभयो ।
सामाजिक रुपान्तरण आजको प्रमुख आवश्यकता रहेको भन्दै उहाँले समृद्ध नेपाल खुशी नेपालीको सपना प्रदेश २ ले पूरा गर्ने दावी गर्नुभयो । मारवाडी समुदायलाई प्रदेश २ मा लगानी गर्न आह्वान गर्नुहुँदै मुख्यमन्त्री राउतले प्रदेशको समृद्धिका लागि मारवाडी समुदायको लगानी र सहयोग आवश्यक रहेको उल्लेख गर्नुभयो ।
मारवाडी समुदायको विभिन्न आन्दोलनमा प्रत्यक्ष तथा अप्रत्यक्ष सहयोग रहँदै आएको प्रशङ्ग उल्लेख गर्नुहुँदै मुख्यमन्त्री रावतले आफ्नो अधिकारका लागि अब मारवाडी समुदाय पनि राजनीतिमा आउनुपर्ने सुझाव दिनुभयो ।
प्रतिक्रिया लेख्नुहोस्:-