दमक । लायन्स क्लव अफ दमक स्टर्नलाइनले दमकमा शव बहान ल्याउ सहयोग जुटाउने उदेश्यले पहिलो पटक ‘लायन्स फुटसल टुर्नामेन्ट’ गर्ने भएको छ । ५० हजार पुरुस्कार राशि सहितको अन्तर लायन्स क्लव स्तरीय फुटसल प्रतियोगिता गर्न लागिएको बुधबार पत्रकार सम्मेलन गरेर जानकारी गराईएको छ ।
क्लवका अध्यक्ष बिमल शर्माका अनुसार दमक ९ मा रहेको रणभुमि फुटसलको प्राङगणमा तयारी भइरहेको छ । प्रतियोगितामा आठ वटा क्लब सहभागी भएका छन्। प्रतियोगिता आउदो २२ गते शुरु भइ सोही दिन समापन गरीने आयोजकले जनाकारी गराएको छ ।
कार्यक्रम संयोजक उज्वल श्रेष्ठका अनुसार बिजेतालाइ ५० हजार र उपबिजेतालाइ २५ हजार पुरुस्कार सहित ट्रफिको ब्यवस्था रहेको छ । प्रतियोगिताका लागि करिब २ लाख ५५ हजार रुपिया लागत अनुमान रहेको उनले बताए ।सोहि दिन दमकका पत्रकार र लायन्स अध्यक्षहरुबीच मैत्रीपुर्ण फुटसल खेल खेलाउने तयारी पनि रहेको क्लवका सचिब किरण भण्डारीले जानकारी दिए ।
प्रतिक्रिया लेख्नुहोस्:-