दमक । दमक जेसीजले आज आफ्नो ३८ औ बार्षिकोत्सब विभिन्न कार्यक्रम गरि मनाएको छ ।
जेसीज सचिवालयमा भएको सो कार्यक्रममा जेसीज परिवारवीच शुभकामना आदनप्रदान गर्नुका साथै फोहोर ब्यबस्थापनका लागि जेसिज टोलका बासिन्दाहरुलाई डस्बिन बितरण गरिएको छ ।
बार्षिकोत्सक कार्यक्रमका अवसर पारेर जेसीजले टोलका २२ परिवारलाई फोहोर व्यवस्थापन गर्न डस्बिन बितरण गरेको कार्यक्रम संयोजक सन्दिप चापागाईंले जानकारी दिनुभयाे । डस्बिन कार्यक्रमकी प्रमुख अतिथि प्रतिनिधिसभाकी सांसद महेन्द्रकुमारी लिम्बु र नेपाल जेसीजका निवर्तमान राष्ट्रिय अध्यक्ष प्रकाश प्रसाद अधिकारीले टोल समितिकी कोषाध्यक्ष शुष्मा कार्की र सदस्य तीर्थ श्रेष्ठलाई हस्तान्तरण गर्नु भयो ।
दमक जेसीजका अध्यक्ष चन्द्र खत्री दाहालको अध्यक्षतामा भएको बार्षिकोत्सव कार्यक्रममा प्रमुख अतिथि सांसद लिम्बु, विशिष्ट अतिथी नेपाल जेसीजका निर्वतमान राष्ट्रिय अध्यक्ष अधिकारी, पूर्व राष्ट्रिय उपाध्यक्ष पदम कोइरालालगायतले जेसीजको बारेमा प्रकाश पार्नु भएको थियो ।
प्रतिक्रिया लेख्नुहोस्:-