दमक । नेपालका प्रथम जननिर्वाचित प्रधानमन्त्री नेता वीपी कोइरालाको १०५ औं जन्मयन्ती आज देशैभरि विभिन्न कार्यक्रमहरु गरि मनाएको छ ।
दिवसका अवसर पारेर नेपाली कांग्रेस कमल गाउँपालिका र दमक नगर समितिले छुट्टाछुट्टै कार्यक्रम गरि वीपी जयन्ती मनाएको हाे । नेपाली कांग्रेस कमल गाउपालीकाले साविक लखनपुर–१ स्थित मंगलवारेको पार्टी कार्यालयमा वीपी जन्मजयन्ती मनाएको हो भने दमकले पार्टी कार्यालयमा वीपी जयन्ती मनाएको हो । कांग्रेस कमलमा आयोजित कार्यक्रममा पार्टीका महासमिति सदस्य शुरेस सुब्बा, कांग्रेस नेता डाक्टर खगेन्द्र अधिकारी, युवा नेता हुकुमसिंह राईलगायतले वीपी जयन्तीको जीवनीमाथि चर्चा गरेका थिए ।
यसैगरि दमकस्थित पार्टी कार्यालयमा आयोजित कार्यक्रममा वक्ताहरुले नेपालको प्रजातान्त्रिक आन्दोलनमा वीपी कोइरालाले पु¥याँएको योगदानको स्मरण गरेका थिए । पार्टीका नगर सभापति रोशन विष्टको अध्यक्षतामा तथा पूर्व जिल्ला सभापति पूर्णानन्द शर्मा दाहालको प्रमुख आतिथ्यता रहेको थियो ।
कार्यक्रममा पार्टी जिल्ला सहसचिव राजेन्द्र भण्डारी, महासमिति सदस्यहरु शेरवहादुर भट्टराई,शुरेस सुब्बा,कांग्रेस नेताहरु डा. खगेन्द्र पाण्डव अधिकारी, राजनबहादुर ढुंगाना,पूर्व सांसद विश्वदिप लिङदेन लगायतले वोलेका थिए । दमक ८ वडा सभापति पूण्य दाहालले स्वागत मन्तव्य राखेको सो कार्यक्रममा महाधिबेशन प्रतिनिधि आइन्द्र राज केरुङ, जिल्ला सदस्यहरु उमाकान्त आचार्य,मेनुका वुढाथोकी,रामकुमारी पौडेल, तरुण दलका क्षेत्रीय सभापति गोकुल श्रेष्ठ, महिला संघकी नगर सभापति मन्दरा पौडेललगायतले बोलेका थिए ।
प्रतिक्रिया लेख्नुहोस्:-