नुवाकोटमा तामाङ कथानक चलचित्र “प्रङ्ना” को विशेष प्रदर्शन

७ फागुन , नुवाकोट । तामाङ कथानक चलचित्र “प्रङ्ना”को नुवाकोटमा विशेष च्यारिटि शो सम्पन्न भएको छ । म्यागङ गाउँ पालिकाको प्रमुख आशा तामाङको प्रमुख आतिथ्यतामा औपचारिक कार्यक्रम सहित च्यारिटी शो सम्पन्न भएको हो । कार्यक्रममा बोल्दै प्रमुख अतिथिले तामाङ समुदायभित्र घटिरहेको घट्नाहरुलाई चलचित्र मार्फत उठाएकोमा खुशी ब्यक्त गर्दै आफुले सकेको सहयोग तथा आफ्नो तर्फबाट तामाङ चलचित्रको विकासको लागि गर्नुपर्ने सहयोगको लागि सधैं तयार रहेको पनि जानकारी दिनुभयो । नुवाकोट,रसुवा र धादिङका पर्यटकीय तथा धार्मिक स्थलहरुमा छायांकन गरिएको यो चलचित्रमा राज किङ वाइबा (सुक बहादुर तामाङ) को निर्देशन रहेको छ भने छिमी मम्बा तामाङको कथा तथा निर्माण रहेको छ ।

चलचित्रमा राज किङ वाइबा,लिला तामाङ,लामा भाइ,बिगेन्द्र वाइबा,बिना घले,पुष्प वाइबा,सौराम तामाङ,बनु लोप्चन,गोपाल घले,बुद्धिमान तामाङ,सोनि वाइबा,रेशा तामाङ,बिजय मम्बा,शारदा तामाङ लगायत धेरै कलाकाहरुको अभिनय रहेको छ ।

चलचित्र तामाङ समुदायको कथा बस्तुमा आधारित रहेको तथा सामाजिक विषयवस्तु एवम् समाजभित्र घटिरहेको घट्नालाई केन्द्रित रहेको चलचित्र हेरिसकेपछि दर्शकहरुको भनाइ रहेको छ । मौलिक भाषा,संस्कार सँस्कृति,परम्परा तथा भेषभुषाको जगेर्ना एवम् भावी पुस्तासम्म हाम्रो कला,संस्कार,सँस्कृती हस्तान्तरण होस् भन्ने उदेश्यले आफुले तामाङ चलचित्र निर्माण गरिएको निर्मात्री छिमि मम्बा तामाङले बताउनु भएको छ।