२५ जेठ , काठमाडौं । तामाङ अन्तर्राष्ट्रिय इण्डिपेन्डेन्ट चलचित्र महोत्सव(टिफ) २०१९–Tamang International Indipendent Film Festival(TIFF) 2019 को तयारी अन्तिम चरणमा पुगेको आयोजक समितिले जानकारी दिएको छ ।
यहि जेठ २९ र ३० गते राजधानीको प्रदर्शनी मार्ग स्थित राष्ट्रिय सभागृहमा हुने महोत्सवको तयारी अन्तरगत प्रचारप्रसार,अतिथि निमन्त्रणा, प्रदर्शन गर्ने चलचित्र छनौट लगायतका काम भइरहेको महोत्सव अध्यक्ष विगेन्द्र वाइबा तामाङले जानकारी दिएका छन् ।
वाइबाका अनुसार तामाङ आवाज, सेलो फाउण्डेसनको आयोजना तथा एससीआरसीको knowledge सहकार्यमा हुन लागेको महोत्सवमा तामाङ सौन्दर्य, जीवन र ज्ञान परम्परा झल्किने छोटो चलचित्र,वृत्तचित्र र फिचर चलचित्र समेत प्रदर्शन गरिनेछ ।
यसबारे थप स्पष्ट पर्दै महोत्सव संयोजक कुमार मोक्तान बताउछन् महोत्सवमा सहभागि उत्कृष्ठ चलचित्रहरुलाई ट्रफि सहितको नगद पुरस्कार पनि प्रदान गरिनेछ । महोत्सवमा अप्रतिस्पर्धीका रुपमा भने यसअघि सार्वजनिक भईसकेका केहि चलचित्र र म्युजिक भिडियोहरुलाई पनि समावेश गराईदैछ ।
महोत्सवमा ‘तामाङ खाना, साँस्कृतिक झाँकी,भेषभूषा, परम्परागत कला, पुस्तक प्रदर्शनी, चलचित्र र कला कार्यशाला तथा बहसका साथै पहिलो पटक तामाङ दृष्य कविता (भिजुअल पोइट्री) प्रस्तुत गर्ने कार्यक्रमहरु थप आकर्षणका रूपमा रहने आयोजक समितिले जानकारी दिएको छ ।
प्रतिक्रिया लेख्नुहोस्:-